Азербайджан і Арменія абвінавацілі адзін аднаго ва ўжыванні цяжкага ўзбраення ў зоне канфлікту ў Нагорным Карабаху.
Міністэрства абароны Азербайджана заявіла, што армянскія войскі нанеслі ўдары па ўсіх памежных пазіцыях азербайджанцаў, ужываючы мінамёты, гранатамёты і артылерыйскія ўстаноўкі. Па сцвярджэнні Азербайджана, армяне 127 разоў парушылі рэжым спынення агню.
Міністэрства абароны Арменіі заявіла, у сваю чаргу, што азербайджанская армія распачала спробу наступу, выкарыстоўваючы танкі, артылерыю і авіяцыю. У раёне населенага пункта Мартуні па сцвярджэнні армянскага боку, агонь вялі з установак залпавага агню «Град»: у выніку абстрэлу загінула 12-гадовае дзіця.
Арменія прыгразіла Азербайджану непрадказальнымі наступствамі ў выпадку працягу баявых дзеянняў.
Абодва бакі канфлікту сцвярджаюць, што праціўнік нясе вялікія страты ў ходзе працягу баёў. Армяне заявілі, што на адным з участкаў баёў быў збіты азербайджанскі верталёт. Міністэрства абароны Азербайджана абвергла гэтыя звесткі, назваўшы іх хлуснёй і правакацыяй.
Ціханоўскі расказаў, што трэба было рабіць у жніўні 2020-га62
Каментары