У Мінску п'яны кіроўца на хуткасці 130 км/г знёс знак і вылецеў на сустрэчную паласу
Заезд на высокай хуткасці па мокрым асфальце скончыўся ДТЗ на пл. Мяснікова. Пра гэта паведаміла старшы інспектар па агітацыі і прапагандзе ДАІ Маскоўскага раёна Любоў Трапашка.
Мужчына за рулём аўтамабіля «БМВ» 5-й серыі рухаўся па вул. Клары Цэткін з боку пл. Багушэвіча ў кірунку вул. Бабруйскай. Як пазней кіроўца растлумачыў дзяржаўтаінспектарам, перад гэтым ён пасварыўся з жонкай і на эмоцыях разагнаўся на гэтым участку дарогі прыкладна да 130 км/г.
У раёне пл. Мяснікова дарога мае закругленне. Праходзіць гэты віраж на такой высокай хуткасці, ды яшчэ на мокрым асфальце, было вялікай памылкай. Аўтамабіліст не справіўся з кіраваннем: машына знесла дарожны знак, стукнулася аб бардзюр і вылецела на сустрэчную паласу руху, дзе нарэшце спынілася. Па шчаслівай выпадковасці там не аказалася іншых аўтамабіляў, хоць звычайна гэтая дарога не пустуе. Кіроўца ў аварыі не пацярпеў. Акрамя яго непрыемныя імгненні перажыла жанчына, якая чакала ля краю тратуара магчымасці перайсці скрыжаванне. Яна моцна спалохалася, калі ў яе бок неслася машына.
Кіроўца аказаўся п'яны: утрыманне алкаголю ў яго крыві склала 2,2 праміле. Вядома, што мужчына працуе кіроўцам. Аднак пасля паездкі падшафэ яго на тры гады пазбавяць права кіраваць транспартнымі сродкамі.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары