Кіеўскі суд выдаў ордэр на арышт кіраўніка акупацыйнага ўрада Крыма Аксёнава
Пячэрскі раённы суд Кіева выдаў ордэр на арышт кіраўніка анексаванага Расіяй Крыма Сяргея Аксёнава, паведамляе Генпракуратура Украіны.
«Пастановай Пячэрскага суда Кіева дадзены дазвол на затрыманне падазраванага […] Аксёнава», — сказана ў паведамленні.
Супраць Аксёнава распачалі крымінальную справу, яго падазраюць у злоўжыванні службовым становішчам, незаконным завалоданні маёмасцю дзіцячага лагера «Артэк» і перадачы яго Расіі.
У рамках той жа справы на маёмасць лагера накладзены арышт.
Сам Аксёнаў скептычна паставіўся да рашэння суду і назваў яго «праявай крэтынізму».
«Калі суд Кіева вырашыў мяне затрымаць і арыштаваць, то няхай паспрабуюць выканаць сваё рашэнне. У чым праблема? Адрас ведаюць — наперад да выканання. Засталося толькі прыехаць. Акурат сяджу і чакаю іх, калі прыедуць», — напісаў ён у Facebook.
Таксама судом дадзены дазвол на затрыманне прызначанага акупацыйнай уладай АР Крым генеральнага дырэктара НПАО «Масандра» Ярыны Паўленка.
Гаворка ідзе пра справу па факце растраты бутэлькі ўнікальнага калекцыйнага віна Херас-дэ-ла-Франтера ўраджаю 1775 года коштам каля 100 тысяч даляраў ЗША, якое ўваходзіла ў калекцыйны фонд «Масандры», было нацыянальным здабыткам Украіны, складала значную гістарычную, навуковую і практычную каштоўнасць.
Як вядома, Паўленка адкаркавала для прэзідэнта Расійскай Федэрацыі Уладзіміра Пуціна і экс-прэм'ера Італіі Сільвіё Берлусконі бутэльку вышэйпаказанага віна, а затым спісала яго па цане 44 рублі 12 капеек.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»24
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары