Грамадскае аб`яднанне «Таварыства беларускай мовы імя Францішка Скарыны» (ТБМ) зноў просіць грамадскасць дапамагчы з аплатай арэнды офіса і камунальных плацяжоў.
Звярнуцца па дапамогу ТБМ вымушана з-за чарговага павышэння арэнднай платы за офіс аб`яднання — з красавіка кошт арэнды дасягнуў 14 360 000 рублёў у месяц. «Таксама неабходна рэгулярна плаціць за камунальныя паслугі, тэлефон, электрычнасць і інтэрнэт», — адзначаюць у ТБМ.
Неабыякавыя грамадзяне рэгулярна пералічваюць ахвяраванні на рахунак аб`яднання, іх імёны публікуюцца ў газеце «Наша слова» і на сайце ТБМ. Тым не менш у сувязі з рэзкім павелічэннем памераў плацяжоў арганізацыя вымушаная прасіць дапамогі ў шырокай грамадскасці.
Аналагічная сітуацыя мела месца ў маі 2013 года, калі грамадзяне Беларусі менш чым за 20 дзён сабралі 20 млн рублёў, што дазволіла аплаціць арэнду офіса ТБМ на два месяцы наперад. Характэрна, што 10% ад гэтай сумы на рахунак аб`яднання перавяла Ліберальна-дэмакратычная партыя.
Рэквізіты, неабходныя для пералічэння ахвяраванняў, публікуе сайт ТБМ.
«Таварыства беларускай мовы» заснавана ў 1989 годзе і афіцыйна зарэгістравана ў Міністэрстве юстыцыі. Узначальвае арганізацыю вядомы грамадскі дзеяч, гісторык Алег Трусаў. Паводле інфармацыі сайта ТБМ, аб`яднанне налічвае каля 6 тысяч членаў у Беларусі і за мяжой — у Літве, Польшчы, Расіі, Украіне, Латвіі, ЗША, Канадзе, Германіі і іншых краінах.
Цяпер чытаюць
Лосік расказаў, як Бабарыку катавалі ў наваполацкай калоніі10
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х88
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х8
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары