Еўрапейскі саюз быў і застаецца на перадавой міжнародных намаганняў па пераадоленні наступстваў чарнобыльскай катастрофы, Еўрапейская камісія ўжо выдзеліла каля 730 млн еўра на праекты, звязаныя з Чарнобылем.
Пра гэта гаворыцца ў сумеснай заяве высокага прадстаўніка ЕС па замежных справах і палітыцы бяспекі Федэрыкі Магерыні, віцэ-прэзідэнта Еўрапейскай камісіі па энергетычным саюзе Мараша Шэўчавіча, еўракамісара па Еўрапейскай палітыцы суседства і перамовах пра пашырэнне Ёханэса Хана і еўракамісара па міжнародным супрацоўніцтве і развіцці Невена Міміцы з нагоды 30-годдзя чарнобыльскай катастрофы. Заяву распаўсюдзіла Прадстаўніцтва ЕС у Беларусі.
«Нават цяпер, па сканчэнні 30 гадоў, людзі ва Украіне, Беларусі ды іншых краінах змагаюцца з доўгатэрміновымі наступствамі катастрофы для здароўя і навакольнага асяроддзя. Чалавечае вымярэнне гэтай аварыі застаецца ў нашых думках, — падкрэсліваюць аўтары заявы. — Еўрапейскі саюз — найбуйнейшы ўкладальнік у міжнародныя фонды, якія адмініструе Еўрапейскі банк рэканструкцыі і развіцця (ЕБРР) з мэтай вываду атамнай станцыі з эксплуатацыі і забеспячэння экалагічнай бяспекі гэтага аб`екта».
«Літаральна ўчора Еўрапейская камісія заявіла пра наданне дадатковай падтрымкі Рахунку ядзернай бяспекі. Еўрапейскі саюз і надалей будзе працаваць з Украінай, ЕБРР, краінамі Вялікай сямёркі (G7) ды іншымі міжнароднымі донарамі для забеспячэння паспяховага завяршэння гэтых праектаў», — адзначаюць высокія прадстаўнікі ЕС.
Цяпер чытаюць
Лукашэнка хоча паставіць на «Паланэзы» ядзерныя боегалоўкі15
Каментары