Пад кіраванне Гродзенскай рэгіянальнай мытні пяройдуць некалькі падраздзяленняў Ашмянскай мытні. Пра гэта журналістам у час прадстаўлення новага начальніка Гродзенскай рэгіянальнай мытні распавёў старшыня ДМК Юрый Сянько.
Новым начальнікам Гродзенскай рэгіянальнай мытні прызначаны Андрэй Кавальчук, раней ён узначальваў Аператыўную мытню ДМК.
«Акрамя непасрэдных задач па прыцягненні ў бюджэт мытных плацяжоў і барацьбе з незаконным перамяшчэннем тавараў Гродзенскай рэгіянальнай мытні трэба будзе вырашыць пытанне аб далучэнні да яе некалькіх падраздзяленняў Ашмянскай мытні. Лідскі і Воранаўскі мытныя пасты будуць кіравацца з Гродна», —адзначыў Юрый Сянько. Ён падкрэсліў, што такое рашэнне дазволіць у першую чаргу павысіць эфектыўнасць працы, аптымізаваць кіраванне рэгіянальнымі падраздзяленнямі. Рэалізаваць змены плануецца на працягу двух месяцаў.
Юрый Сянько адзначыў, што актуальным застаецца пытанне падтрымання існуючай і стварэння новай сучаснай інфраструктуры ў пунктах пропуску.
Цяпер чытаюць
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў31
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары