13 чэрвеня ўпершыню ў Мінску вялікі сольны канцэрт дадуць папулярныя брытанскія металісты Bullet For My Valentine. Як высветлілася, калектыў вельмі падабаецца не толькі хлопцам, але таксама прыгожым і вельмі музычным дзяўчатам з самых розных куткоў свету.
У шортах і басанож — Meytal Cohen «Your Betrayal»
Мейтал — дастаткова звычайнае для Ізраіля імя і заадно амаль дакладная назва любімага музычнага стылю гэтай дзяўчыны. Яна з'ехала вучыцца ў ЗША і праславілася сваімі барабаннымі каверамі на ўвесь свет, сабраўшы на сваім канале за 140 мільёнаў праглядаў.
Стрэлкі на вачах — Izzy Johnson «Waking The Demon»
Ізі нарадзілася ў Англіі, вырасла ў ЗША. З дзяцінства захаплялася гітарай і метал-музыкай. Яе самы ранні гітарны кавер на Bullet For My Valentine датуецца 2010 годам, а ў 2013 годзе яна прайшла праслухоўванне на пазіцыю гітарысткі ў цалкам дзявочай метал-групе Conquer Divide, чый першы альбом выйшаў летам 2015.
Бландзінка ў кепцы — Bluejscore «Tears Do not Fall»
Ці можна праспяваць Bullet For My Valentine пяшчотным галаском ды пад акустыку? Яшчэ як! Амаль ананімная пяшчотная бландзінка сабрала з гэтым каверам пад 500 тысяч праглядаў. Вядома толькі тое, што яна з ЗША і ў яе ёсць Твітар.
Японская лаліта — Fumie Abe «Waking The Demon»
Мініяцюрная японка Фумі Абэ з 4 гадоў займалася ігрой на піяніна і каліграфіяй. Да 18 гадоў яна атрымала прафесарскую ступень у гэтым нялёгкім мастацтве і захапілася метал-музыкай з барабанамі. І трэба прызнаць, што ўпраўляецца яна з імі вельмі эфектна.
Рудая з пірсінгам — JJ's One Girl Band «Your Betrayal»
Па відэа складана паверыць, але Джэсі Джэй — гітарыстка-самавук з Германіі. Пра сябе распаўсюджвацца не любіць, затое дэталёва распісвае ўсе свае гітары і гітарныя ўзмацняльнікі. Ну і класна грае, само сабой.
***
У Мінск Bullet For My Valentine прыедуць з найлепшымі песнямі і новым альбомам «Venom», якой выйшаў летам 2015. «Альбом «Venom» удыхнуў новае жыццё ў герояў брытанскага металу» — адзначыў аўтарытэтны брытанскі метал-часопіс Kerrang.
BULLET FOR MY VALENTINE (Вялікабрытанія)
13 чэрвеня — Мінск, Палац спорту — 19.00
Квіткі: ад 540 да 870 тыс. руб.
Продаж: Kivtki.by, Ticketpro.by, Bycard.by і Kassy.by
Інфалінія і замова квіткоў: +375444820160
Цяпер чытаюць
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары