У свеце інтэрнэту і тэхналогій спам з'яўляецца сапраўднай бядой. Мала хто любіць атрымліваць рэкламныя лісты ад невядомай крыніцы. Сёння СМІ абляцела навіна, што «кароль спаму» асуджаны на 2,5 гадоў турмы.
Камп'ютарны геній Сэнфард Уолес за два гады (2008-2009) адправіў 27 млн спам-паведамленняў у Facebook. Як аказалася, ён узломваў акаўнты фэйсбук-карыстальнікаў, а затым рассылаў рэкламныя паведамленні ўсім сябрам чалавека, чыя старонка падвергнулася хакерскаму нападу.
Сэнфард Уолес зарабляў грошы, захоўваючы дадзеныя людзей у фэйсбуку для наступных спам-рассыланняў.
Арыштавалі Уолеса толькі ў 2011 годзе, яго вылічыла ФБР. «Кароль спаму» прызнаў сваю віну, але гэта не змякчыла пакаранне. Правасуддзе перамагло.
Суд абавязаў яго выплаціць штраф у $ 310 тыс., а таксама прысудзіў хакера да 2,5 гадоў зняволення.
Каментары