«У прынцыпе, краіна да дэнамінацыі гатова», - заявіў у інтэрв'ю праграме «Галоўны эфір» тэлеканала «Беларусь 1», паказаным ўвечары 19 чэрвеня, старшыня праўлення Нацыянальнага банка Павел Калаўр.
Праўда, па яго словах, ёсць яшчэ «пэўныя пытанні, якія патрабуюць завяршэння», у гандлёвых прадпрыемствах - поўная замена касавых апаратаў на тыя, якія маглі б працаваць у новых умовах.
«Нейкія нязручнасці, якія будуць узнікаць у першы дзень дэнамінацыі - яны неістотныя. Я думаю, што насельніцтва з разуменнем і з гумарам паставіцца да пэўных рэчаў», - сказаў кіраўнік Нацбанка.
Дэманструючы сваю гатоўнасць да дэнамінацыі, Калаўр распавёў, што пры разліках карыстаецца выключна карткамі, а манеты, якія будуць назапашвацца ў сям'і, будзе аддаваць ўнучкам.
Цяпер чытаюць
Былы памочнік Лукашэнкі Ігар Брыло прызнаў, што набраў хабараў на $2 мільёны14
Каментары