Палата прадстаўнiкоў 30 чэрвеня прыняла ў другім чытанні папраўкі ў Крымінальны кодэкс, Кодэкс аб адміністрацыйных правапарушэннях і Працэсуальна-выканаўчы кодэкс аб адміністрацыйных правапарушэннях, якія датычацца адказнасці за невыкананне тэхнічных рэгламентаў.
Як паведаміла член парламенцкай камісіі па заканадаўстве Наталля Гуйвік, пры падрыхтоўцы законапраекта да разгляду ў другім чытанні ён быў істотна дапрацаваны. У прыватнасці, па прапанове Савета міністраў у дакумент былі ўнесены змены ў частцы зніжэння штрафаў за парушэнне патрабаванняў тэхнічных рэгламентаў Мытнага саюза, Еўразійскага эканамічнага саюза (ЕАЭС).
Як патлумачыла Гуйвік, гэта звязана з тым, што ў Беларусі ўстаноўлена адказнасць за парушэнне патрабаванняў тэхнічных рэгламентаў МС і ЕАЭС, якая ў некалькі разоў перавышае памеры штрафаў за аналагічныя правапарушэнні ў іншых дзяржавах — членах Еўразійскага эканамічнага саюза.
Дакумент прадугледжвае, што рэалізацыя прадукцыі без наяўнасці сертыфікату адпаведнасці або дэкларацыі аб адпаведнасці будзе мець вынікам накладанне штрафу на індывідуальнага прадпрымальніка (ІП) да 100% ад кошту рэалізаванай прадукцыі, але не менш за 50 базавых велічынь. У першапачатковым варыянце законапраекта былі прадугледжаны адпаведныя штрафы да 200% кошту рэалізаванай прадукцыі, але не менш за 200 базавых велічынь.
Калі кошт прадукцыі ўстанавіць немагчыма, штраф складзе да 300 базавых велічынь для ІП і да 500 базавых велічынь — для юрыдычных асоб. У першапачатковым варыянце законапраекта — ад 200 да 5 000 базавых велічынь.
Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2
Каментары