Экс-кандыдат з Ваўкавыска, які нават па афіцыйных падліках набраў 20%: «У палітыку прабівацца не буду, гэта пустое марнаванне часу»
Самавылучэнец з Ваўкавыска Віталь Таўстыга набраў найбольш галасоў выбаршчыкаў на Гарадзеншчыне сярод тых, хто не стаў дэпутатам. Па сваёй Ваўкавыскай акрузе №48 — 20%, гэта больш за 8 800 галасоў.
Перамогу (61,5%) аддалі цяперашняму дэпутату Аляксандру Сягодніку, які да раёна не мае ніякага дачынення. Назіральнікі адзначалі, што ў рэальнасці за Таўстыгу як за «свайго хлопца» галасавалі нашмат больш людзей. На многіх участках ён перамагаў у асноўны дзень галасавання.
Віталь не здзіўлены падтрымкай насельніцтва: «Я ж сам ваўкавыскі, тут усе адзін аднаго ведаюць».
Мы запыталіся ў экс-кандыдата, ці збіраецца ён працягваць палітычную кар’еру. Дарэчы, для яго гэта была першая спроба сябе ў палітыцы.
«Хацеў штосьці змяніць, дапамагчы, наладзіць крыху, — распавёў Віталь Таўстыга. — Найперш я гаварыў пра гарадскія, лакальныя праблемы. Але пройгрыш ёсць пройгрыш, трэба было лепш рыхтавацца. Далей у палітыку прабівацца не буду, гэта пустое марнаванне часу».
Каментаваць справядлівасць гэтых выбараў Віталь па тэлефоне не захацеў.
Экс-кандыдат займаецца прадпрымальніцтвам, юрыдычнай дзейнасцю. Яго хобі — фатаграфаванне вяселляў.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары