GoPro выпусціла новую экшн-камеру Hero 5 і ўласны дрон Karma
Кампанія GoPro, вядомая воданепранікальнымі экшн-камерамі, выпусціла новую лінейку камер Hero 5 Black, Hero 5 Session і дрон Karma ўласнай распрацоўкі.
GoPro Hero 5 Black цяпер абсталявана 12-мегапіксельнай камерай і 2-цалевым сэнсарным дысплеем. З'явілася магчымасць запісу відэа з разрозненнем 4К пры 30 кадрах у секунду, здымкі ў RAW і кіравання голасам. У камеры усталяваны модуль GPS, і без дадатковага чахла яе можна апускаць у ваду на глыбіню дзесяць метраў.
Распрацоўшчыкі абяцаюць палепшаны запіс гуку, які дазволіць запісваць у добрай якасці гук як на канцэрце, так і пад вадой. У плане дызайну, акрамя адсутнасці чахла і з'яўлення дысплэю, распрацоўшчыкі прыбралі адну з кнопак. Уключэнне, запіс і змена рэжымаў кіруецца адной кнопкай зверху камеры.
Самым унікальным новаўвядзеннем з'яўляецца галасавое кіраванне. Камера будзе распазнаваць англійскую, нямецкую, французcкую, італьянскую, іспанскую, японскую і кітайскую мовы.
Таксама камера мае новую тэхналогію стабілізацыі відэа. Праграмнае забеспячэнне можа вырабляць больш плаўнае відэа захопу, чым папярэднія мадэлі.
GoPro Hero 5 Session — больш мініяцюрны варыянт экшн-камеры GoPro. Яна мае кубічную форму і 10-мегапіксельны сэнсар. Магчымасці здымкі відэа амаль аналагічныя Hero5 Black. Прысутнічае кіраванне голасам і традыцыйная абарона ад вады. Вялікім адрозненнем ад свайго «вялікага» аналагу з'яўляецца поўна адсутнасць экранаў у Hero 5 Session. Кошт мініяцюрнай версіі — 330 еўра.
Больш увагі кампанія «GoPro сабрала вакол сябе стварэннем уласнага дрона Karma. Перш за ўсё новы дрон уражвае сваім коштам — 870 еўра. Некалькі дзён таму кампанія выпусціла відэаролік, дзе распавяла пра магчымасці дрона:
Дрон з'явіцца ў продажы ў канцы кастрычніка.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі22
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары