На Століншчыне 16-гадовы юнак, уцякаючы на аўтамабілі ад ДАІ, збіў раварыста, паведамілі ў Брэсцкай абласной Дзяржаўтаінспекцыі.
Здарэнне адбылося сёння каля 13:30 у аграгарадку Альшаны. Дзяжурны нарад супрацоўнікаў дарожна-патрульнай службы «Буг» падаў сігнал аб спыненні кіроўцу аўтамабіля «Жыгулі». Аднак патрабаванне ён праігнараваў, паскорыўся і накіраваўся ў бок вёскі Рубель. Інспектары кінуліся ў пагоню за парушальнікам, які, спрабуючы сысці ад пераследу, неаднаразова ствараў пагрозу бяспецы іншых удзельнікаў дарожнага руху. Не справіўшыся з кіраваннем, малады чалавек урэзаўся ў слуп і плот, зачапіў раварыста, які праязджаў побач.
Абодва ўдзельнікі ДТЗ атрымалі траўмы рознай ступені цяжкасці, яны шпіталізаваныя у Столінскую раённую бальніцу.
Высветлілася, што ліхачыў на «жыгулях» 11-класнік. Характэрна, што літаральна тыдзень таму супрацоўнікі ДАІ наведвалі школу, у якой вучыцца юнак, гутарылі са старшакласнікамі пра недапушчальнасці кіравання транспартнымі сродкамі, не маючы правоў.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары