Самы кароткі ў свеце міжнародны рэйс, які доўжыцца ўсяго восем хвілін пасля ўзлёту, сёння ўпершыню выканала невялікая аўстрыйская авіякампанія People's Viennaline.
Пра гэта паведамляе The Local.
Новы маршрут злучае швейцарскі Санкт-Галах-Альтэнрхайн і нямецкі Фрыдрыхсхафэн, палёт праходзіць над Бодэнскім возерам. Увогуле рэйс доўжыцца 20 хвілін, з якіх 8 хвілін прыпадае на сам палёт.
Даўжыня маршруту ўсяго 20 кіламетраў. Авіякампанія будзе выконваць рэйсы па маршруце два разы на дзень. Квіток у адзін бок каштуе 40 еўра. Прыпынак у Фрыдрыхсхафэне прызначаецца для пасажыраў, якія накіроўваюцца ў або з аэрапорта Кёльн-Бон.
Эксперты сумняюцца ў мэтазгоднасці рэйса, які доўжыцца восем хвілін, бо для гэтага патрабуецца непрапарцыйна вялікая колькасць паліва. Акрамя таго, для рэгіёну гэта таксама дадатковы шум, які ствараецца падчас узлёту і пасадкі.
Каментары