ААТ «Авіякампанія» Белавія «не плануе запускаць у Беларусі ўнутраныя авіярэйсы. Пра гэта паведаміў першы намеснік генеральнага дырэктара авіякампаніі Глеб Пархамовіч, піша БелТА.
Глеб Пархамовіч адзначыў, што «Белавія» не мае намеру займацца малой авіяцыяй, таму што не бачыць у гэтым сэнсу. Ён звярнуў увагу на тое, што ў краіне добра развітыя сетка аўтамабільных дарог, чыгуначныя зносіны, таму чакаць значнага пасажырапатоку ў перавозках па паветры не даводзіцца. Аднак «Белавія» імкнецца захопліваць рэгіёны ў міжнародных перавозках: самалёт з Мінска прызямляецца ў якім-небудзь абласным цэнтры, забірае пасажыраў і ляціць за мяжу.
Пры гэтым Глеб Пархамовіч адзначыў, што авіякампанія пастаянна вывучае рынак і ацэньвае магчымасці пасажыраў, каб уводзіць новыя рэйсы і павялічваць частату на ўжо адкрытых кірунках. «Нагадаю, летась з'явіліся рэйсы ў Львоў, Палангу, падмаскоўны аэрапорт Жукоўскі. У планах на будучы год — пачатак палётаў у Брусель і аднаўленне — у Ерэван», — падкрэсліў ён.
Намеснік гендырэктара «Белавія» растлумачыў, што авіякампанія мае намер павялічыць частату рэйсаў у Палангу ў сезон (з аднаго разу ў дзесяць дзён да двух разоў на тыдзень), а таксама ўжо да канца года — у Жукоўскі.
Глеб Пархамовіч таксама паведаміў, што за апошнія два гады тарыфы авіякампаніі знізіліся прыкладна на 20%.
-
«Заробак стартаваў з $440». Беларускі расказалі, як працуюць і зарабляюць на Блізкім Усходзе
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
-
«Рукі прэч ад сасісачак!». У сацсетках горача абмяркоўваюць барацьбу Лукашэнкі з кавай на запраўках. Некаторыя заклікаюць дзейнічаць больш жорстка
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука1
Каментары