У першай палове наступнага тыдня будуць замаразкі, а ў другой пацяплее
Беларускі сіноптык Дзмітрый Рабаў у эфіры тэлеканала АНТ расказаў, якім будзе надвор’е ў Беларусі з 20 па 26 кастрычніка. Паводле яго прагнозу, у першай палове тыдня яшчэ магчымыя замаразкі, але да выхадных надвор’е прыкметна пацяплее — месцамі тэмпература паветра падымецца да +18 °C.
Рабаў адзначыў, што надвор’е цяпер цалкам перайшло ў восеньскі рэжым: будзе вільготна, туманна і пераменна, але зімы яшчэ адчувацца не будзе.
У панядзелак ноччу чакаецца ад +1 да +6°C, пры праясненнях — замаразкі да —5°C. Днём — каля +9°C.
У аўторак тэмпература падымецца да +7 … +12°C. Надвор’е будзе спакойным, без ападкаў, пад уплывам вобласці павышанага ціску. Месцамі магчымыя лёгкі туман і галалёд.
У сераду праз краіну пройдзе слабы атмасферны фронт — магчымыя лакальныя невялікія дажджы, туман уначы і раніцай. Ноччу +1 … +6°C, пры праясненнях — замаразкі да —3°C, удзень +8 … +14°C.
З чацвярга надвор’е пачнуць вызначаць франты з паўночнага захаду Еўропы — яны прынясуць часовыя дажджы.
У ноч на чацвер +4 … +7°C, удзень +7 … +13°C. У пятніцу — каля +9 … +12°C.
Па словах сіноптыка, апошнія выхадныя кастрычніка будуць воблачнымі і дажджлівымі. Вецер — паўднёва-заходні, ноччу і раніцай магчымы туман.
У ноч на суботу тэмпература складзе +3 … +8°C, удзень — ад +11 да +18°C.
У нядзелю, 26 кастрычніка, будзе яшчэ цяплей: ад +12 да +16°C.
Такім чынам, пасля халоднага пачатку тыдня Беларусь чакае прыемнае асенняе пацяпленне да канца кастрычніка.
Цяпер чытаюць
На фронце загінуў сын экс-кандыдата ў прэзідэнты Дзмітрыя Уса. Іван ваяваў за Расію6
Каментары
Асабліва ўразіла балота, неверагодная палітра фарбаў, гэта трэба бачыць, словы тут будуць бяссільныя.
Ну, і вадаём, канечне ж, куды ж безь яго, шаптуна-экстрасэнса. Ён усадзіў мяне на старое бервяно, якое некалі вышпурнуў на бераг, і ледзь не загнаў у сон... Было +7, а цяпер 0, але ад заўтра начная тэмпература падцягнецца да дзённай і, што праўда, будзе хмарна й з дажджамі...