У Гомелі здзейснілі суіцыд 15-гадовая навучэнка аднаго з ліцэяў і 25-гадовы мясцовы жыхар. Трагічныя выпадкі не звязаныя паміж сабой.
Цела дзяўчыны з прыкметамі механічнай асфіксіі (павешання) было знойдзенае 26 лістапада. Як паведамілі ў СК, праводзіцца комплекс мерапрыемстваў па высвятленні прычын і абставін магчымага суіцыду, апытваюцца знаёмыя, блізкія і сябры загінулай, прызначаныя экспертызы. Праверку праводзіць Гомельскі гарадскі аддзел СК.
24 лістапада на лесвічнай пляцоўцы аднаго з жылых шматпавярховых дамоў Гомеля было знойдзенае цела 25-гадовага мясцовага жыхара з прыкметамі механічнай асфіксіі.
Паводле неафіцыйнай інфармацыі, малады чалавек выйшаў увечары гуляць з сабакам і не вярнуўся, сабака прыйшоў дадому адзін. Пазней труп маладога мужчыны знайшлі на лесвічнай пляцоўцы. На старонцы ў сацыяльнай сетцы загінулага дзясяткі спачуванняў. Сябры пішуць, што ён быў пазітыўным і добрым чалавекам. «Не адкладай мяне на потым, «потым» мяне не будзе», — такі запіс пакінуў на сваёй старонцы малады чалавек.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары