ІД заявіла пра захоп у Пальміры дзясяткаў расійскіх танкаў і ўстаноўкі «Град»
Паводле інфармацыі агенцтва Amaq, якое перадае навіны ад ісламістаў «Ісламскай дзяржавы», баевікі захапілі 30 расійскіх танкаў, вялікую колькасць ракет для установак «Град», шмат боепрыпасаў у старажытнай Пальміры.
Урадавыя войскі Сірыі пры падтрымцы Расіі ўпершыню адбілі Пальміру ў ісламістаў у сакавіку.
Аднак на мінулым тыдні баевікі ІД пачалі нечаканы наступ на горад, узялі пад кантроль суседнія нафтавыя радовішчы і наблізіліся да авіабазы Т4, якую выкарыстоўвае расійская авіацыя, паведамляе Reuters.com.
Пад пагрозай акружэння і знішчэння з Пальміры сталі ўцякаць цэлыя вайсковыя падраздзяленні.
Усяго баевікі паведамілі пра захоп 30 танкаў, сямі БМП, шасці артылерыйскіх гармат Д-30, дзесяці зенітных установак ЗУ-23, адной устаноўкі «Град».
На відэа бачна, што тэрарыстам дасталася і адна з расійскіх браніраваных разведвальна-патрульных машын «Дазор», піша расійскі блог bmpd.livejournal.com.
«Гэта зноў удар па прэстыжы. У тым ліку і па нашым прэстыжы», - заявіў былы начальнік Генштаба УС РФ генерал арміі Юры Балуеўскі.
Па меркаванні ізраільскага эксперта Ігаля Левіна, размовы пра 4.000 джыхадыстаў, якія быццам бы штурмавалі Пальміру - прапаганда Расіі, «каб хоць неяк схаваць гэтую ганьбу».
Відэа з часткай трафеяў «Халіфата» у Пальміры.
Цяпер чытаюць
Як журналістка «Нашай Нівы» шукала пару на праваслаўным сайце знаёмстваў. Падкаціў і Талай14
Каментары