Праверку па факце забойства жывёлы вядуць пракуратура і Міністэрства аховы прыроды Якуціі. Мяркуецца, антыгероямі гісторыі сталі вахтавікі.
На кадрах відаць, як кіроўца «Урала» пад ухвальныя воклічы з кабіны некалькі разоў пераязджае мядзведзя, але жывёла не здаецца. Потым другі «Урал» пад'язджае і прыціскае мядзведзя да зямлі. Жывёла адчайна спрабуе выбрацца з-пад колаў, але яго дабіваюць ударамі лому па галаве, апісвае NewsYkt.ru.
Запіс, які абурыў карыстальнікаў сацсетак, паглядзеў міністр аховы прыроды Якуціі Сахамін Афанасьеў. «Даў даручэнне кіраванню палявання правесці расследаванне і прыняць адпаведныя меры. Пра вынікі праверкі мы паведамім дадаткова», — адрэагаваў ён.
Як адзначае «Якуція24», у дзеяннях вахтавікоў ёсць прыкметы складу злачынства, прадугледжанага ч. 2 арт. 245 КК РФ, — «Жорсткае абыходжанне з жывёламі, што пацягнула іх гібель або калецтва, здзейсненае групай асоб па папярэдняй змове». Максімальнае пакаранне па гэтым артыкуле — пазбаўленне волі на тэрмін да двух гадоў.
Пракуратура рэспублікі накіравала даручэнне якуцкай паліцыі правесці працэсуальную праверку, ход расследавання ўзяты на асаблівы кантроль.
Літовец Віталіюс Моцкус заняў пасаду Стрыжака ў «Байсоле». Хто гэта такі?34
Каментары