У пасёлку Пуцяводная Зорка Гомельскага раёна з-за выбуху петарды сур'ёзна пацярпеў сямікласнік, паведаміў БЕЛТА афіцыйны прадстаўнік УУС Гомельскага аблвыканкама Ігар Грышкевіч.
Хлопчыка даставілі ў Гомельскую гарадскую клінічную бальніцу №1 ўвечары 27 снежня. Дактары канстатавалі ў яго мінна-выбуховую траўму левай кісці: пералом першага пальца, адрыў другога пальца на ўзроўні асновы фалангі, адкрыты пералом асноўнай фалангі трэцяга пальца са зрушэннем адломкаў. Акрамя гэтага дыягнаставаны раны спінкі носа і ніжняй траціны левай галёнкі.
Супрацоўнікі міліцыі ўстанавілі, што 13-гадовы школьнік увечары выйшаў на вуліцу, каб сустрэць свайго сябра. Бацькі ў гэты дзень з'ехалі ў Гомель па пакупкі, пакінуўшы сына аднаго.
Як патлумачыў сам пацярпелы, ён чакаў таварыша, знайшоў на снезе петарду і вырашыў яе падарваць.
Пакуль спрабаваў падпаліць кнот, адбыўся выбух. Пачуўшы выбух і крыкі, прыбег яго таварыш, які тут жа паведаміў пра здарэнне свайму бацьку. Дарослы адразу выклікаў хуткую дапамогу і паспрабаваў аказаць першую дапамогу.
Цяпер чытаюць
Лосік расказаў, як Бабарыку катавалі ў наваполацкай калоніі10
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х88
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х8
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары