У Беларусі жанчыны часцей ахвяруюць грошы, а мужчыны — падпісваюць петыцыі
У Беларусі жанчыны часцей ахвяруюць грошы і дапамагаюць на валанцёрскіх пачатках грамадскім арганізацыям, мужчыны — часцей падпісваюць петыцыі, сведчаць звесткі даследавання беларускай інтэрнэт-аўдыторыі «Дасведчанасць і далучанасць да дзейнасці грамадскіх арганізацый і нефармальных ініцыятыў у Беларусі», вынікі якога прэзентаваныя 9 студзеня ў Мінску.
Даследаванне праводзілася ў снежні 2016 года «Офісам еўрапейскай экспертызы і камунікацыі» ў партнёрстве з «Балтыйскай ініцыятывай інтэрнэт-палітыкі» (e-baltic.org).
Паводле слоў кіраўніка праекта e-baltic.org Міхаіла Дарашэвіча, у даследаванні ўзялі ўдзел 2.011 рэспандэнтаў, з якіх 1.052 (59%) ведаюць аб грамадскіх арганізацыях і нефармальных ініцыятывах у Беларусі.
Найбольш вядомымі тыпамі арганізацый ўдзельнікі апытання назвалі прафсаюзныя (54,3%), маладзёжныя (50,7%), спартыўныя (42,6%), сацыяльныя (39,8%) і рэлігійныя (34,4%). Замыкаюць спіс арганізацыі, якія займаюцца пытаннямі рэгіянальнага і мясцовага развіцця, а таксама навукай і даследаваннямі.
6,6% апытаных самастойна або ў складзе каманды рэалізуюць праекты і ініцыятывы, 16,4% — з'яўляюцца членамі грамадскай арганізацыі, 48,4% заявілі, што ўдзельнічалі ў працы грамадскай арганізацыі або ініцыятыве.
65% апытаных мяркуюць, што грамадскія арганізацыі прыносяць карысць беларускаму грамадству.
Сярод галоўных прычын ўдзелу ў працы грамадскай арганізацыі апытаныя назвалі «агульныя каштоўнасці, цікавыя праекты і дакладныя мэты».
Найбольш актыўна ў працы грамадскіх арганізацый і ініцыятыў удзельнічаюць маладыя людзі ад 15 да 24 гадоў. Пры гэтым яны часцей за іншыя ўзроставыя груп працуюць у якасці валанцёраў.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»24
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары