Дрэвы не толькі дапамагаюць нам дыхаць у гарадах. Зялёныя насаджэнні дапамагаюць здымаць стрэс, ствараюць магчымасць для фізічнай актыўнасці і зніжаюць выпадкі хранічных захворванняў у гараджан.
Сусветная арганізацыя аховы здароўя заклікала ўлады гарадоў свету ствараць як мага больш паркаў, сквераў і невялікіх зялёных куткоў, паведамляе urbanforester.by са спасылкай на Цэнтр навін ААН.
Аўтары дакладу «Зялёныя зоны ў гарадах і здароўе» адзначаюць, што знаходжанне на прыродзе дазваляе людзям збольшага кампенсаваць шкоднае ўздзеянне розных фактараў, такіх як забруджванне паветра, шум і экстрэмальная спякота.
Экспэрты ААН прапануюць азеляняць і грамадскія месцы для актыўнага адпачынку, такія як пляцоўкі для спартыўных гульняў.
А вось у даследаванні Медыцынскай школы Мілера пры універсітэце Маямі (ЗША) гаворыцца, што зялёныя насаджэнні дапамагаюць скараціць колькасць людзей, хворых на гіпертанію, дыябет і гіперліпідэмію: чым вышэйшая канцэнтрацыя зялёных насаджэнняў у горадзе, тым ніжэйшы ўзровень хранічных захворванняў сярод людзей, якія пражываюць там.
Вынікі заснаваныя на даных пра здароўе каля 250 000 чалавек з акругі Маямі-Дэйд (штат Фларыда), сабраныя ў 2010 і 2011 гадах, піша bodryach.com.
Парадак дня ў галіне ўстойлівага развіцця на перыяд да 2030 года ставіць задачу забяспечыць усеагульны доступ да бяспечных, адкрытых для ўсіх і даступных зялёных зон і грамадскіх месцаў адпачынку, у прыватнасці, для жанчын і дзяцей, пажылых людзей і інвалідаў.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары