У чацвер раніцай на Брытанію абрынуўся ўраган «Дорыс», прынёсшы з сабой шквальны вецер і штармавыя хвалі. Брытанскі метэацэнтр выпусціў штармавое папярэджанне для паўночных, усходніх і цэнтральных раёнаў Англіі, а таксама Паўночнага Уэльса, піша ВВС.
Не абышлося без ахвяр: у цэнтры англійскага Вулверхэмптана загінула жанчына, на якую зваліўся кавалак даху.
Сіноптыкі ўжо назвалі сёлетні шторм «кліматычнай бомбай». З-за ўрагану былі адмененыя дзясяткі рэйсаў самалётаў, непагадзь таксама парушыла расклад цягнікоў і працу Ліверпульскага порта.
У Шатландыі, як папярэджваюць сіноптыкі, чакаецца да 15 см снежнага покрыва.
У многіх раёнах Шатландыі з-за моцнага снегападу узніклі шматкіламетровыя заторы на дарогах. Тысячы дамоў і ўстаноў аказаліся без святла ў Паўночнай Ірландыі, Уэльсе і Ёркшыры.
Па словах сіноптыкаў, існуе рызыка паводак у Паўночнай Ірландыі, а таксама ў нізоўях паўночнай Англіі і поўдня Шатландыі.
«Дорыс» таксама пашкодзіла дрэвы на знакамітай алеі «Дарк Хеджэс» у Паўночнай Ірландыі, дзе здымаўся папулярны серыял «Гульня тронаў».
Усе авечкі, якія пасуцца на лугах у графстве Камбрыя на поўначы Англіі, апранутыя па надвор'і — у спецыяльныя плашчы.
Драматычная карціна на Старой рынкавай плошчы ў Націнгеме, дзе на фоне навальнічных хмар над колам агляду ўзнікла вясёлка.
Шторм «Дорыс» даляцеў і да Лондана, дзе мяккае вясновае надвор'е ў чацвер раніцай змянілася на надзвычай ветранае. У брытанскай сталіцы таксама парушаная праца прыгарадных цягнікоў, многіх наземных ліній метро і некалькіх аэрапортаў.
Цяпер чытаюць
«Міс Беларусь» усё больш нагадвае конкурс прыгажосці ў гарэме13
Каментары