ЗША паабяцалі абараняць тэрыторыю сваіх саюзнікаў па НАТА пасля таго, як у ноч з 9 на 10 верасня на тэрыторыю Польшчы заляцелі расійскія беспілотнікі. Пра гэта заявіла часовая пастаянная прадстаўніца ЗША пры ААН Дораці Шы падчас пасяджэння Рады бяспекі.
Дораці Шы падкрэсліла, што Вашынгтон падтрымлівае саюзнікаў і ўжо вядзе кансультацыі з Польшчай і іншымі краінамі паводле артыкула 4 Паўночнаатлантычнай дамовы
«Злучаныя Штаты падтрымліваюць нашых саюзнікаў па НАТА перад абліччам гэтых трывожных парушэнняў паветранай прасторы. ЗША кансультуюцца з Польшчай і іншымі саюзнікамі ў НАТА ў адпаведнасці з артыкулам 4 Паўночнаатлантычнай дамовы, і будзьце ўпэўненыя, мы абаронім кожны дзюйм тэрыторыі НАТА», — сказала яна.
У заяве Шы адкрыта адзначаецца, што ў мінулую сераду на тэрыторыю Польшчы заляцелі менавіта расійскія вайсковыя беспілотнікі. Паводле яе слоў, такія дзеянні, нават калі яны былі ненаўмыснымі, «дэманструюць велізарную непавагу да добрасумленных намаганняў ЗША па завяршэнні гэтага канфлікту».
Расійскі прадстаўнік пры ААН Васілій Нябензя адхіліў абвінавачанні. Ён заявіў, што ў тую ноч Расія атакавала беспілотнікамі толькі вайсковыя аб’екты ва Украіне і не мела ніякіх цэляў на тэрыторыі Польшчы. Паводле яго, далёкасць палёту выкарыстаных дронаў — не больш за 700 кіламетраў, таму трапіць у Польшчу яны, маўляў, «фізічна не маглі».
Прэзідэнт ЗША Дональд Трамп раней таксама адрэагаваў на сіутацыю, адзначыўшы, што незадаволены сітуацыяй. Ён дапусціў, што інцыдэнт мог быць памылкай, але заявіў, што ўсё адно мае намер асудзіць Расію, якая «занадта блізка падышла да гэтай лініі».
Паводле польскіх уладаў, у тую ноч, калі Расія праводзіла масіраваныя ўдары па Украіне, у паветранай прасторы Польшчы было зафіксавана не менш за 19 беспілотнікаў. Для іх перахопу, акрамя польскай авіяцыі, упершыню з пачатку вайны падняліся і знішчальнікі НАТА. Пазней на тэрыторыі краіны знайшлі абломкі 17 дронаў.
На гэтым фоне Варшава актывавала артыкул 4 Статута НАТА, які прадугледжвае кансультацыі паміж членамі альянсу ў выпадку пагрозы тэрытарыяльнай цэласнасці, незалежнасці ці бяспецы краіны.
Польскае выданне назвала Церцеля архітэктарам спецаперацыі, якая разгортваецца паралельна з вучэннямі «Захад»
Марк Рутэ абвясціў пра запуск спецыяльнай праграмы НАТА для абароны ўсходняга флангу альянсу
Амерыканскія сенатары рапрацавалі праект закона ад прызнанні Расіі і Беларусі дзяржавамі — спонсарамі тэрарызму
НАТА рыхтуе ваенны адказ на атаку расійскіх дронаў у Польшчы
Пяць расійскіх дронаў ляцелі прамым курсам на базу НАТА ў Польшчы
Ці павінна НАТА пасля дронавай атакі на Польшчу задзейнічаць 5-ты артыкул? Адназначна — не. Але рэагаваць мусіць рашуча
Цяпер чытаюць
Архітэктар назваў тое, што зрабілі ў Нясвіжы, «карным упарадкаваннем»3
Каментары
А с учётом той ахинеи, которую нёс венс, в адрес Европы, ЕС, на мюнхенской конференции, то нет веры словам.
И да, очень долго думали, как отреагировать на бомбовозы путина в польском небе.