Дэпутат Дзярждумы ад фракцыі «Адзіная Расія» Віталій Мілонаў папрасіў расійскага міністра культуры Уладзіміра Мядзінскага правесці дапрэмьерную праверку фільма «Прыгажуня і пачвара» на прадмет прапаганды аднаполых адносінаў. Пра гэта паведамляе «РІА Новості» са спасылкай на ліст парламентарыя.
Адной з сюжэтных ліній у фільме будуць гомасэксуальныя адносіны паміж галоўнымі героямі. Ён падкрэсліў, што ў Расіі рашэнне аб выпуску карціны ў пракат прымаецца толькі з меркаванняў эканамічнай выгады.
«Але ў дадзеным выпадку грамадскасць не можа глядзець моўчкі на тое, што прапануюць кінапракатчыкі пад выглядам дзіцячай казкі — відавочная, непрыхаваная, бессаромная прапаганда граху, перакручаных сэксуальных адносінаў», — падкрэсліў парламентарый.
Мілонаў нагадаў, што выхад фільма прызначаны на пачатак вясновых школьных канікул і ён атрымаў мноства паведамленняў і лістоў ад занепакоеных бацькоў.
«Наша агульная задача — не дапусціць выхаду гэтага мюзікла на экраны ні пад якім выглядам», — лічыць Мілонаў.
Ён папрасіў Мядзінскага ў выпадку пацвярджэння наяўнасці элементаў прапаганды гомасэксуалізму і педафіліі прыняць меры па татальнай забароне дэманстрацыі стужкі ва ўсіх без выключэння кінатэатрах.
Раней паведамлялася, што ў мюзікле «Прыгажуня і пачвара» рэжысёра Біла Кондана з'явіцца персанаж-гей. Гэта будзе першы фільм кінастудыі Disney, у якім пакажуць гомасэксуальныя адносіны. Фільм выйдзе на экраны 17 сакавіка.
Як распавёў Кондан, персанажам-геем стане ЛеФу (Джош Гэд), памочнік галоўнага антаганіста фільма — Гастона (Люк Эванс). «ЛеФу — гэта той, хто спачатку хоча стаць Гастонам, а пасля — пацалаваць Гастона», — растлумачыў рэжысёр.
Disney: У новым фільме «Прыгажуня і пачвара» будзе гей-сцэна
-
«Хамнет» і «Бітва за бітвай» выйгралі «Залаты глобус» 2026 года
-
Доліна спявае «За грошы — так», а Шурык прапануе дубайскі шакалад: што за трэш глядзелі ў Новы год беларусы з расіянамі
-
Серыял «Pluribus» — самы няправільны постапакаліпсіс ці нешта большае? Расказваем пра смелы мысленчы эксперымент на ТБ
Цяпер чытаюць
Стала вядома імя яшчэ аднаго палкоўніка ДФР, арыштаванага КДБ. Ён расказваў сукамернікам, як яго катавалі6
Каментары