Пасажырка ў шоку: старшыня прафсаюза таксістаў узяў 5,5 рубля за кіламетр, і ўсё законна
Піяршчыца Аляксандра Рогач напісала ў фэйсбуку абураны пост. За паездку працягласцю 15 кіламетраў (ад ГЦ «Замак» да вуліцы Варанянскага) давялося заплаціць 63 рублі. Прычым нібыта ўсё па законе, з лічыльнікам і чэкам!
Як так атрымалася? У кіроўцы ў машыне прычэплена налепка з трыма тарыфамі. Першы дзейнічае «24 гадзіны», прычым з адэкватнымі цэнамі (55 капеек за кіламетр), якія адпавядаюць многім службам таксі. Аднак унізе маленькімі літарамі дапісана, што ён актуальны толькі для інвалідаў першай групы, ветэранаў і воінаў-інтэрнацыялістаў.
Для ўсіх іншых створаныя іншыя тарыфы — гіганцкія 4,5—5,5 рубля за кіламетр у залежнасці ад дня! Аднак мала хто з пасажыраў дачытвае да гэтых лічбаў.
Пікантнасці сітуацыі дадаў той факт, што кіроўцам аказаўся старшыня прафсаюза таксістаў «Цэнтр» Аляксандр Стахоўскі. Летась ён заклікаў калегаў да страйку, бо нізкія тарыфы ставяць таксістаў «на мяжу выжывання». Праўда, ягоная акцыя ніякага эфекту не мела.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам24
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2323
Каментары