Закупкі імпартных прадуктаў харчавання для ўстаноў адукацыі Мінска плануецца скараціць для таго, каб зрабіць больш таннымі школьныя абеды, паведамляюць «Мінск-Навіны».
Гэтае пытанне ўздымалася 23 сакавіка на пасяджэнні Мінскага гарадскога выканаўчага камітэта. На пасяджэнні абмяркоўвалася выкананне бюджэту Мінска за 2016 год і рэалізацыя мер па выкананні бюджэту ў 2017 годзе.
«Адміністрацыямі раёнаў, камітэтам па адукацыі не прымаюцца належныя меры па кантролі за змяншэннем кошту страў», — адзначыў намеснік начальніка галоўнага фінансавага ўпраўлення Мінгарвыканкама Сяргей Бурачэўскі.
Ён праінфармаваў, што Міністэрствам антыманапольнага рэгулявання і гандлю Рэспублікі Беларусь (МАРГ) праведзеныя маніторынгі аб'ектаў грамадскага харчавання ва ўстановах агульнай сярэдняй адукацыі, у ходзе якіх выяўленыя факты выкарыстання пры прыгатаванні страў дарагіх харчовых прадуктаў, якія закупляюцца ў гандлёвых сетках, а не ў вытворцаў.
«Гэта прыводзіць да павышэння кошту страў і невыканання натуральных нормаў харчавання», — растлумачыў Бурачэўскі.
Старшыня Мінгарвыканкама Андрэй Шорац даручыў вызначыць пералік прадуктаў харчавання імпартнай вытворчасці, якія могуць быць закупленыя для школ, бо не вырабляюцца ў Беларусі, адсутнічаюць у сувязі з сезоннымі асаблівасцямі або па іншых аб'ектыўных прычынах. Але фактаў закупкі больш дарагіх імпартных яблыкаў або цыбулі пры наяўнасці аналагічнай айчыннай плодаагародніннай прадукцыі быць не павінна.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары