Беларусь заявіла пратэст па факце парушэння дзяржаўнай мяжы Беларусі літоўскім паветраным суднам, паведамляе БелТА.
«У Міністэрства замежных спраў Беларусі 22 красавіка быў выкліканы амбасадар Літоўскай Рэспублікі Андрус Пулокас. Падчас сустрэчы кіраўніку літоўскай дыпмісіі была ўручана нота, у якой беларускі бок заявіў пратэст у сувязі з зафіксаваным фактам парушэння Дзяржаўнай мяжы Рэспублікі Беларусь літоўскім паветраным суднам», — адзначылі ў МЗС.
Парушэнне дзяржаўнай мяжы з боку Літвы зафіксавана 19 красавіка 2017 года ў 13:40. Паветранае судна паглыбілася на тэрыторыю Беларусі на адлегласць да 8 км і ў 13:43, здзейсніўшы разварот, выйшла за межы паветранай прасторы Беларусі. Увесь час знаходжання ў паветранай прасторы Беларусі самалёт кантраляваўся сродкамі супрацьпаветранай абароны. Беларускі бок чакае тлумачэнняў з нагоды інцыдэнту, падкрэсліваецца ў ноце МЗС.
Каментары