Фаварыт прэзідэнцкай гонкі ў Францыі Эмануэль Макрон заявіў Бі-бі-сі, што Еўрасаюз павінен быць рэфармаваны, інакш яго чакае «фрэксіт».
Цэнтрыст Макрон, які выступае за адзіную Еўропу, пачаў апошні тыдзень сваёй перадвыбарнай кампаніі. У другім туры галасавання, якое пройдзе ў нядзелю, яму супрацьстаіць лідар крайне правых Марын Лё Пен.
Лё Пен набыла шмат паплечнікаў, выступаючы супраць Еўрасаюза. Яна паабяцала ў выпадку сваёй перамогі правесці рэферэндум аб выхадзе Францыі з ЕС, што па аналогіі з брытанскім «брэксітам» ужо атрымала мянушку «фрэксіт».
Яе падтрымліваюць выбаршчыкі ў сельскіх рэгіёнах, а таксама ў былых індустрыяльных цэнтрах, якіх прыцягваюць яе абяцанні вярнуць кантроль над межамі краіны і радыкальна скараціць маштабы іміграцыі.
«Я - праеўрапейскі палітык, падчас гэтых выбараў я ўвесь час абараняў еўрапейскую ідэю і еўрапейскую палітыку, бо я мяркую, што гэта надзвычай важна для французаў і для таго, якое месца наша краіна займае ў працэсе глабалізацыі», - сказаў Макрон у інтэрв'ю Бі-бі-сі.
«Але ў той жа час мы павінны ўлічваць сітуацыю, слухаць людзей, тое, што яны надзвычай злаваліся сёння і не жадаюць чакаць. Далейшая разбалансаванасць ў працы ЕС недапушчальная», - падкрэсліў ён. - Таму я лічу, што мой мандат распаўсюджваецца і на глыбокае рэфармаванне Еўрасаюза, нашага еўрапейскага праекта».
Макрон дадаў, што калі б ён дазволіў Еўрасаюзу функцыянаваць, як цяпер, і далей, гэта было б здрадай.
«І я не хачу гэтага, - сказаў ён. - Таму што на наступны дзень у нас будзе «фрэксіт», або зноў — «Нацыянальны фронт».
Цяпер чытаюць
Ціханоўскі расказаў, як сябе паводзіў Коля Лукашэнка на сустрэчы ў СІЗА14
Каментары