Вярхоўны суд Іспаніі пацвердзіў прысуд аргентынскаму форварду Ліянэлю Месі, які ў ліпені мінулага года быў асуджаны на 21 месяц турмы за ўхіленне ад падаткаў. Суд таксама абавязаў яго выплаціць штраф на суму 2 млн еўра.
У той жа час суд знізіў турэмны тэрмін бацьку футбаліста да 15 месяцаў.
Як чакаецца, Месі і яго бацька наўрад ці сядуць у турму, бо суды ў Іспаніі звычайна даюць ўмоўныя тэрміны, калі злачынства было здзейснена ў першы раз і тэрмін па прысуду не перавышае двух гадоў.
Канчатковае рашэнне павінен прыняць суд у Барселоне.
Ліянэль Месі і яго бацька Хорхе Орас Месі летась былі прызнаныя вінаватымі ў трох выпадках ўхілення ад выплаты падаткаў.
Па версіі абвінавачвання, футбаліст і яго бацька не выплацілі падаткаў на суму ў 4,1 млн еўра. На судзе Месі заявіў, што сам не распараджаўся сваімі даходамі, а быў заняты футболам.
Ліянэль Месі лічыцца адным з лепшых футбалістаў сучаснасці і з'яўляецца самым тытулаваным аргентынскім гульцом у гісторыі.
Цяпер чытаюць
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў31
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары