Улады Беларусі даручылі Citi group і Raiffeisen Bank International арганізаваць сустрэчы з інвестарамі з прычыны размяшчэння даляравых еўрабондаў. Пра гэта паведамляе агенцтва Рэйтэр са спасылкай на крыніцы ў банках. Плануецца, што так званае road show пройдзе на наступным тыдні ў ЗША і Еўропе.
У 2016 годзе міністр фінансаў Беларусі Уладзімір Амарын казаў, што Беларусь плануе прыцягнуць да 1 млрд даляраў ад размяшчэння еўрабондаў. Размяшчацца планавалася на сямігадовы тэрмін, каб «ўлічыць усе нашы пікавыя плацяжы і не павялічваць іх».
Па дадзеных Рэйтэр, чакаецца размяшчэнне двух траншаў еўрааблігацый - 5-гадовых і 10-гадовых.
Адна каманда наведае Лондан, Цюрых і Франкфурт, а другая дэлегацыя сустрэнецца з інвестарамі ў Лос-Анджэлесе, Нью-Ёрку і Бостане. Road show пройдзе 19-21 чэрвеня.
Беларусь плануе вярнуцца на міжнародны пазыковы рынак пасля працяглай паўзы. У студзені 2011 года 7-гадовыя суверэнныя еўрааблігацыі размяшчаліся на 800 млн даляраў пад 8,95%. Гэта адзіны выпуск еўрабондаў Беларусі, які знаходзіцца ў абарачэнні. У ліпені 2015 года Мінфін пагасіў 1 млрд даляраў па дэбютных еўрабондах, размешчаных у 2010 годзе. Выплата адбылася ў асноўным за кошт паступленняў мытных пошлін і запазычання на расійскім рынку.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»24
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары