У мінскім аэрапорце прапануюць новую паслугу: сустрэча госця з кветкамі
У Нацыянальным аэрапорце «Мінск» з'явілася новая паслуга. За 15-20 даляраў менеджар аддзела турызму можа сустрэць пасажыра ў зоне прылёту з букетам кветак, паведамляецца на сайце аэрапорта.
Букет таксама могуць пакласці ў салон аўтамабіля пры аказанні паслуг трансферу.
Для замовы трэба запоўніць заяўку на сайце аэрапорта. Праўда, каб аплаціць яе наяўнымі або па картцы, заказчыку прыйдзецца асабіста прыехаць у аэрапорт. Для аплаты па безнаяўным разліку сустрэчу пажадана запланаваць хаця б за тры банкаўскія дні, каб паспець выканаць усе неабходныя працэдуры, папярэдзілі ў аддзеле турызму.
Паслуга прадастаўляецца кругласутачна.
Каментары