Прэзідэнт ЗША Дональд Трамп рыхтуецца ініцыяваць расследаванне ў дачыненні да Кітая па абвінавачваннях у парушэнні правоў ЗША на інтэлектуальную ўласнасць і перадачы тэхналогій. Пра гэта ў пятніцу паведамляе Politico.
Крыніцы выдання ў адміністрацыі прэзідэнта паведамілі, што Трамп зробіць гэта ўжо ў панядзелак. Расследаваннем у рамках 301 артыкула Закона аб гандлі ад 1974 года зоймецца амерыканскі прадстаўнік на гандлёвых перамовах Роберт Лайтхайзер. Гэты артыкул дазваляе Вашынгтону ў аднабаковым парадку ўстанавіць бар'еры на шляху экспартных тавараў у краіну.
Адзначаецца, што пачатак расследавання не пацягне за сабой неадкладнага прымянення санкцыйных абмежаванняў у дачыненні да Пекіна. Тым не менш, крыніцы Politico дапускаюць, што ў будучыні пошліны на ўвоз кітайскіх тавараў у ЗША будуць павышаныя.
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў3
Каментары