Беларусы з 1 студзеня 2018 года выйдуць на 100% узровень кампенсацыі затрат па ўсіх паслугах ЖКГ.
Пра гэта заявіў міністр жыллёва-камунальнай гаспадаркі Аляксандр Церахаў на пашыраным пасяджэнні прэзідыума Савета Рэспублікі і Савета па ўзаемадзеянні органаў мясцовага самакіравання пры верхняй палаце парламента, паведамляе Tut.by са спасылкай на БЕЛТА.
Міністр удакладніў, што з наступнага года беларусы будуць аплачваць па субсідаваных тарыфах цеплавую энергію — ацяпленне і гарачае водазабеспячэнне. Па словах Церахава, гэта самы значны пункт выдаткаў для спажыўцоў пры аплаце паслуг ЖКГ.
Міністр адзначыў, што вытворчасць цеплавой энергіі таксама застаецца даволі затратнай. «Праца па зніжэнні сабекошту цеплавой энергіі носіць прыярытэтны характар», — сказаў ён.
Кіраўнік Савета Рэспублікі Міхаіл Мясніковіч назваў рашэнне пытанняў цеплазабеспячэння ў ліку прыярытэтных задач. Ён канстатаваў недахопы з сістэмай уліку адпушчанай цеплавой энергіі. Яшчэ адна праблема, на якой акцэнтаваў увагу спікер, страты ў жылым фондзе пры выпрацоўцы і транспартоўцы цепланосбітаў.
Міністр эканомікі Уладзімір Зіноўскі яшчэ ў пачатку мінулага года распавёў аб планах урада па пераходзе на поўнае пакрыццё насельніцтвам затрат на аказанне паслуг ЖКГ. 100-працэнтную «камуналку» беларусам абяцалі да канца 2018 года, але пра аплату паслуг па прадастаўленні цеплавой энергіі тады нічога не казалася.
Жонка Статкевіча расказала, пра што паспела паразмаўляць з ім13
Каментары