Актывістку Наталлю Гарачку, затрыманую на палігоне пад Барысавам, пакаралі трыма суткамі арышту
4 верасьня Барысаўскі раённы суд прысудзіў праваабаронцы Натальлі Гарачцы трое сутак арышту па абвінавачаньні ў дробным хуліганстве.
Паводле прысуду судзьдзі Сяргея Герасімовіча, жанчына лаялася матам падчас затрыманьня на палігоне пад Барысавам.
1 верасьня Натальля Гарачка прыехала адведаць сына Івана, які праходзіць тэрміновую службу і цяпер знаходзіцца на ваенным палігоне пад Барысавам. Там разьмешчана частка падразьдзяленьняў, задзейнічаных у вайсковых вучэньнях «Захад-2017». Паводле слоў жанчыны, спачатку яе затрымалі расейскія вайскоўцы, а затым перадалі беларускім. Апошнія, зь ейных словаў, ужывалі да яе фізычную сілу, на руках засталіся сінякі.
Суд праігнараваў сьведчаньні жанчыны, паверыўшы словам сьведак абвінавачаньня — беларускім вайскоўцам.
Пасьля затрыманьня праваабаронца знаходзілася ў ізалятары часовага ўтрыманьня Барысава, а таму сёньня ўвечары мае выйсьці на волю.
Цяпер чытаюць
Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне31
Каментары