Урад Украіны спыніў дзеянне заключанага з Расіяй пагаднення аб захаванні спецыялізацыі прадпрыемстваў, якія вырабляюць прадукцыю ваеннага прызначэння. Прэм'ер-міністр Украіны Уладзімір Гройсман зачытаў гэта рашэнне сярод прынятых урадам на пасяджэнні без абмеркавання, паведамляе «Інтэрфакс».
Пагадненне ад 21 снежня 2000 года прадугледжвала, што Украіна і Расія спрыяюць захаванню вытворчай і навукова-тэхнічнай спецыялізацыі прадпрыемстваў і арганізацый, якія прымаюць удзел у распрацоўцы, вытворчасці і выпрабаваннях узбраення і ваеннай тэхнікі, аказанні паслуг ваеннага прызначэння і пастаўках неабходных для гэтага матэрыялаў, паўфабрыкатаў, камплектуючых вырабаў, навучальнай і дапаможнай маёмасці.
Згодна з дамовай, бакі не павінны былі перадаваць трэцяму боку, у тым ліку замежным фізічным і юрыдычным асобам і міжнародным арганізацыям матэрыялы, паўфабрыкаты, камплектуючыя вырабы, дакументацыю і інфармацыю, атрыманыя ў рамках пагаднення, без пісьмовай згоды боку, які яго паставіў.
9 жніўня гэтага года ўрад Украіны разарваў пагадненне з РФ ад 18 ліпеня 2003 года, якое рэгулюе парадак узаемадзеяння бакоў пры экспарце прадукцыі ваеннага прызначэння ў трэція краіны.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары