Касперскі распавёў аб выяўленых сакрэтных дакументах спецслужбаў ЗША
Яўген Касперскі распавёў парталу ABC News пра тое, як ягонай лабараторыі сталі даступныя сакрэтныя дакументы амерыканскага Агенцтва нацыянальнай бяспекі (АНБ).
Паводле яго словаў, у 2014 годзе супрацоўнікі, якія запампоўвалі інфармацыю пра хакераў групоўкі Equation, прыйшлі ў яго кабінет і паведамілі, што яны разам з дадзенымі аб хакерах выпадкова спампавалі засакрэчаныя дакументы АНБ.
У «Лабараторыі Касперскага» архіў прааналізавалі, знайшлі ў ім зыходны код Equation, пасля чаго ён быў выдалены з усіх сістэм. Трэцім асобам гэтая інфармацыя не перадавалася.
Чаму архіў з сакрэтнымі дакументамі быў выдалены, Касперскі не адказаў. Між тым, па некаторых дадзеных, групоўка Equation супрацоўнічае з АНБ. Таму трапленне файлаў ад хакераў занепакоіла кіраўніцтва Агенцтва, і Касперскага папрасілі тэрмінова выдаліць усе атрыманыя файлы.
Пытанні да кампаніі Яўгена Касперскага наконт законнасці атрымання сакрэтных дакументаў узніклі ў сувязі з тым, што нядаўна ізраільскія разведчыкі выявілі выкарыстанне хакерамі расійскага ўрада антывіруснага праграмнага забеспячэння «Лабараторыі Касперскага» для выкрадання дадзеных па ўсім свеце, у тым ліку ў ЗША.
Чытайце: Ізраільская разведка папярэдзіла ЗША, што Расія шпіёніць праз антывірус «Касперскі»
У інтэрв'ю Касперскі запэўніў, што любыя сакрэтныя дакументы, ненаўмысна заўважаныя ягоным праграмным забеспячэннем, будуць неадкладна знішчаныя пры адкрыцці, як гэта і адбылося ў выпадку з файламі Equation.
Цяпер чытаюць
На вучэннях «Захад» адпрацоўваюць напад на Польшчу і Літву пад выглядам абароны Калінінграда19
Каментары