Штотыдзень мы дзелімся з вамі талковымі профілямі. Для натхнення і не толькі. Кожную сераду — новая гераіня ці герой!
Ружана Вячорка захапляецца фатаграфіяй, вучыцца на біялагічным факультэце БДУ. Яе любоў да жывога свету праяўляецца прамым чынам: дома ў дзяўчыны жывуць дзве яшчаркі і кот.
«Першая мая яшчарка, эублефар Джазэфіна з'явілася 7,5 года таму: я з дзяцінства любіла рэптылій, таму ў якасці падарунка на дзень народзінаў папрасіла яшчарку. Другой яшчаркай у сям’і стала барадатая агама Жывік, таксама падарунак на свята. Менавіта гэта від мне вельмі падабаецца, бо яго прадстаўнікі разумныя. Акрамя таго, вельмі смешныя і падобныя да цмокаў. Ну, а ката Ката я проста падабрала на вуліцы: ён і цікавіцца яшчаркамі, і баіцца іх адначасова», — расказвае Ружана.
Яшчаркі лічуцца прымітыўнымі прадстаўнікамі жывёльнага свету, але некаторы з іх могуць нават адгукацца на сваё імя і вельмі прывязваюцца да гаспадароў. Пры добрым доглядзе паўзуны могуць жыць ажно да 30 гадоў.
Таксама Ружана посціць шмат фотаздымкаў з беларускімі пейзажамі і нацюрмортамі і дзеліцца ўражаннямі з вандровак. Карацей, раім падпісацца.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары