93-гадовы прэзідэнт Зімбабве Роберт Мугабэ заявіў у тэлезвароце ў жывым эфіры, што ён застанецца на сваёй пасадзе яшчэ на некалькі тыдняў, нягледзячы на інтэнсіўныя заклікі да ягонага сыходу, паведамляе BBC.
У сваёй прамове Мугабэ заявіў, што мае намер быць старшынёй на з'ездзе кіроўнай партыі краіны Саюз афрыканскага народа Зімбабвэ — Патрыятычны фронт, які адбудзецца ў снежні.
Партыя, кангрэсам якой Мугабэ збіраецца кіраваць, раней у нядзелю пазбавіла яго паста лідара і дала яму 24 гадзіны на добраахвотны сыход з пасады кіраўніка Зімбабвэ. На гэтай пасадзе Мугабэ бесперапынна знаходзіцца з 1980 года.
Ягоная 52-гадовая жонка Грэйс Мугабэ, таксама выключаная з партыі, раней збегла з краіны, а яе ад'езд армія, якая захапіла кантроль у краіне, дазволіла пры ўмове, што Роберт Мугабэ пакіне сваю пасаду добраахвотна.
Пасля тэлезвароту Мугабэ апазіцыя заклікала людзей выходзіць на вуліцы і дамагацца змены кіраўніцтва краіны вулічнымі акцыямі. Гэта можа прывесці да новых сутычак на вуліцах гарадоў 16-мільённай краіны.
Зімбабве — адна з найбяднейшых краін Афрыкі. Валавы нацыянальны прадукт у пераліку на жыхара (паводле парытэта пакупніцкай здольнасці) складае там цяпер каля $2500 на год — крыху меней, чым у 1980 годзе, калі партыя Роберта Мугабэ атрымала уладу.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары