«Любоў — гэта калі я плачу, пакуль пішу гэты ліст» — маці напісала сыну ў будучыню
Паколькі 20 лістапада ўвесь свет адзначае дзень дзіцяці, Мothercare прапанавала жанчынам, што толькі-толькі сталі мамамі ў мінскай радзільні №6, напісаць сваім немаўлятам лісты ў будучыню.
Вось, што напісала сыну адна з маці:
Мілы мой сыночак!
Зараз і заўсёды я буду думаць толькі пра тое, каб ты быў шчаслівы. Я не ведаю, кім буду праз 18 гадоў, але дакладна ведаю, што буду любіць цябе. Спадзяюся, што ты ўжо ведаеш, што такое любоў.
Любоў — гэта калі я плачу, пакуль пішу гэты ліст.
Любоў — гэта калі я ведаю нумары тэлефонаў маці тваіх сяброў, з якімі ты пайшоў гуляць. Проста на ўсялякі выпадак.
Любоў — гэта калі ты будзеш святкаваць залатое вяселле, і ў цябе запытаюцца: «ЯК?» А ты адкажаш: «Таму што я ведаю, што такое любоў. Мяне гэтаму навучыла мама».
Я буду любіць цябе.
Мама
А вы б хацелі атрымаць на паўналецце ліст ад мамы, напісаны, калі вы толькі прыйшлі ў гэты свет?
Каментары