Гэта пытанне абмяркоўвалася сёння на сустрэчы Аляксандра Лукашэнкі з прадстаўнікамі дзелавых колаў, піша БелТА.
Дадзенай тэмы ў сваім выступе кранула дырэктар Бізнес-саюза прадпрымальнікаў і наймальнікаў імя прафесара М.С. Куняўскага, член Рады па развіцці прадпрымальніцтва Жанна Тарасевіч. «Карыстаючыся выпадкам, што ўказ (аб ліцэнзаванні) яшчэ не падпісаны, прашу звярнуць увагу на палажэнне аб лiцэнзаваннi медыцынскай дзейнасцi i адмяніць норму, якая патрабуе толькі ў прыватных арганізацый аховы здароўя наяўнасці ў штаце лекараў толькі першай і вышэйшай катэгорый», — сказала яна.
На думку дырэктара бізнэес-саюза, гэта палажэнне не толькі дыскрэдытуе дыпломы маладых спецыялістаў, але і дэвальвуе сістэму адукацыі і дзяржаўных устаноў аховы здароўя.
Аляксандр Лукашэнка адзначыў, што такія прапановы гучалі не раз. «Не хачу браць пад сумненне прысваенне катэгорый, але бываюць выпадкі, калі вышэйшая катэгорыя побач не стаіць з выпускніком з ВНУ. Няхай сам наймальнік, які бярэ маладога доктара да сябе, за яго нясе адказнасць, — заявіў Лукашэнка. — Таму я вас у гэтых адносінах гатовы падтрымаць, як і па многіх іншых, калі яны будуць прымальныя пры фарміраванні новага парадку ліцэнзавання».
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары