У Якуціі зафіксаваная самая нізкая тэмпература на Зямлі — мінус 80°С? Не, фэйк
У інтэрнэце пачала распаўсюджвацца інфармацыя, нібыта ў ноч на 24 студзеня ў расійскім населеным пункце Сарданох быў зафіксаваны «рэкорд мінусавай тэмпературы на зямной кулі» — мінус 80 градусаў.
Аймяконскі ўлус (раён) Якуціі, да якога адносіцца сельскае пасяленне Сарданохскі наслег, сапраўды вядомы як адзін з «полюсаў холаду» нашай планеты: у 1938 годзе тут была зафіксаваная самая нізкая тэмпература Паўночнага паўшар'я — мінус 77,8°С, а тэмпературы -40-60°С — звычайныя для гэтага рэгіёна ўзімку.
Але паводле даных розных сэрвісаў прагнозу надвор'я, ноччу з 23 на 24 студзеня ў Аймяконе назіралася тэмпература -42°С, што істотна менш за тыя лічбы, што называліся ў інтэрнэце.
Што ж тычыцца «рэкорда мінусавай тэмпературы на зямной кулі», то ён быў афіцыйна зафіксаваны 21 ліпеня 1983 года на станцыі «Усход» у Антарктыдзе — мінус 89,2°С. Па непацверджаных даных, у 2004 годзе на гэтым жа кантыненце назіралася тэмпература -91,2°С.
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі36
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары