Дрыль, меншы за два сантыметры, і кішэнны прынтар: як выглядаюць самыя маленькія ў свеце гаджэты
Ці можаце вы ўявіць, што круціце спінер памерам менш за пазногаць або друкуеце тэкст на паперы, дастаўшы з кішэні маленечкі прынтар? Мы падабралі звычайныя прылады, якія прадстаўленыя ў незвычайных памерах і могуць быць карысныя ў розных сітуацыях.
Дрыль
Інжынер з Новае Зеландыі, выкарыстоўваючы 3D-прынтар, раздрукаваў самы кампактны ў свеце дрыль. Прылада максімальным памерам 17 мм, выдатна працуе. Яна мае мініятурную плату і свердзел дыяметрам 0,5 мм, які можа прасвідраваць дзірку глыбінёю некалькі міліметраў у не вельмі цвёрдым матэрыяле.
Спінер
Гэты спінер памерам усяго 5 міліметраў мае ўсе складнікі звычайнага спінера: тут нават ёсць падшыпнікі!
Прынтар
Zuta Pocket Printer можа змясціцца нават у кішэні. З дапамогай мабільнага дадатку можна выбраць дакумент для друку, і прынтар надрукуе яго, самастойна рухаючыся па паперы.
Рэвальвер
Рэвальвер SwissMiniGun распрацаваны ў Швейцарыі. Ён мае даўжыню крыху больш за 5 см, але з вялікім поспехам прадаецца па ўсім свеце. Між тым, некаторыя краіны, напрыклад ЗША і Злучанае Каралеўства, забараняюць імпарт гэтага рэвальвера ў свае краіны праз лёгкасць ягонага ўтойвання.
Мабільны тэлефон
За некалькі дзён да пачатку 2018 года ў Вялікабрытаніі прадставілі самы маленькі мабільны тэлефон у свеце — Zanco Tiny T1. Шырыня дысплея складае 1,25 см, таўшчыня ўсяе прылады дасягае 1,2 см, а вышыня — 4,76 см. Вага гаджэта — ўсяго 13 грамаў.
Хатні праектар
Кампактны праектар Mini Ray мае памеры 14х44х44 міліметра, падключаецца да смартфона ці планшэта і можа праектаваць выяву памерам 60 цаляў у якасці HD. Дарэчы, кошт прылады на афіцыйным сайце складае 189 даляраў.
Дысплэй
2х4 міліметра — такія памеры мае дысплэй, усталяваны ў сонцаахоўных акулярах ад кампаніі Kopin, якія былі прэзентаваныя на выставе CES у 2016 годзе.
Цяпер чытаюць
Туск заявіў пра гатоўнасць адкрыць Баброўнікі і Кузніцу з лістапада19
Каментары