Амерыканская кампанія прапануе замарозіць ваш мозг зараз для стварэння яго лічбавай копіі ў будучыні
Стартап Nectome, заснаваны даследчыкамі з Масачусецкага тэхналагічнага інстытута, прапануе «замарозіць» чалавечы мозг разам з усёй інфармацыяй, якая ў ім захоўваецца, каб потым аблічбаваць гэтыя дадзеныя і ўзнавіць чалавечы розум.
Яны разлічваюць знайсці камерцыйнае прымяненне распрацаванаму імі хімічнаму працэсу захавання мозгу: падчас «замарозкі» (так даследчыкі называюць працэс увядзення ў орган комплекса спецыяльных рэчываў) яго клеткі практычна ператвараюцца ў шкло. Гэта дазваляе захаваць канэктам — «карту» нейронавых злучэнняў у мозгу.
Навукоўцы разлічваюць навучыцца лічбаваць варыянт «злепкі» нейронаў мозгу і аднаўляць свядомасці людзей ужо ў гэтым стагоддзі.
У лютым 2018 года стваральнікі Nectome ужо правялі першую дэманстрацыю тэхналогіі «замарозкі» на чалавечым мозгу, выкарыстаўшы цела мёртвай жанчыны, што ахвяравала сябе для навукі. Яны пачалі працэс захавання мозгу праз дзве гадзіны пасля яе смерці, і на працягу шасці гадзін ўводзілі прэпараты прама ў моргу.
Наступным этапам павінна стаць прымяненне працэдуры на чалавеку, гатовым да эўтаназіі. Само сабой, гэта створыць вялікі рэзананс і выкліча маштабныя этычныя разважанні, як у выпадку з тэхналогіяй кланавання чалавека і многімі іншымі падобнымі спрэчнымі з этычнага пункту гледжання распрацоўкамі.
Заснавальнік праекта Роберт Макінтайр пракансультаваўся з юрыстамі і мяркуе, што эксперыменты Nectome могуць лічыцца легальнымі ў штатах, дзе дазволеная эўтаназія. Дарэчы, ужо цяпер вядомы кошт паслугі: ён складзе $10 тысяч.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь9
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары