З-за расійскага ўмяшання самалёт фон дэр Ляен сядаў у Балгарыі з выкарыстаннем папяровых карт
Самалёт, на якім ляцела старшыня Еўракамісіі Урсула фон дэр Ляен у балгарскі горад Плоўдзіў, не мог выкарыстоўваць электрычныя навігацыйныя сродкі пры падлёце да аэрапорта, піша Financial Times са спасылкай на трох ананімных чыноўнікаў.
«Сігнал GPS знік на ўсёй тэрыторыі аэрапорта», — сказала адзін з крыніц газеты.
Паводле яго слоў, самалёт цягам гадзіны кружыў над аэрапортам, а затым пілот прыняў рашэнне выкарыстоўваць папяровыя карты для пасадкі.
«Гэта, без сумневу, было ўмяшаннем», — дадаў суразмоўца FT.
Упраўленне паветранага руху Балгарыі пацвердзіла інцыдэнт газеце.
З лютага 2022 года мы назіраем прыкметны рост выпадкаў заглушэння [сігналу GPS] і, у апошні час, спуфінгу (падман сігналу), — заявілі ў ведамстве.
У апошнія гады пачасціліся выпадкі глушэння сігналу GPS ў Балтыйскім моры і еўрапейскіх краінах, што мяжуюць з Расіяй.
Учора Урсула фон дэр Ляен наведвала з Дональдам Тускам польска-беларускую мяжу, а сёння з Гітанасам Наўседам — літоўска-беларускую.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне5959
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне59
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары