У Беларусі не баяцца рэалізацыі ўкраінскага сцэнара. Пра гэта міністр замежных спраў Беларусі Уладзімір Макей заявіў у інтэрв'ю тэлеканалу Euronews.
Адказваючы на пытанне, ці варта Беларусі баяцца паўтарэння ўкраінскага сцэнара, міністр заявіў:
— Не думаю. Украінскія ўлады нарабілі шмат памылак у мінулым, у выніку якіх там склалася такая сітуацыя. Мы не баімся рэалізацыі ўкраінскага сцэнара ў Беларусі. Мы трохі адрозніваемся ад украінцаў і ніколі не дапусцім той сітуацыі, якая мела месца ва Украіне.
Уладзімір Макей адзначыў, што ў Беларусі добрыя адносіны з Расіяй:
«Калі ўзнікаюць якія-небудзь праблемы, мы адкрыта абмяркоўваем іх з расійскімі партнёрамі. Спрабуем знайсці палітычныя, а не вайсковыя вырашэнні гэтых праблем. Не думаю, што Расія хацела б арганізаваць у Беларусі нешта падобнае да ўкраінскага сцэнара, што яны захочуць так зрабіць. Гэта не ў іх інтарэсах. Мне ўяўляецца абсурдным нават абмеркаванне гэтых гіпатэтычных рэчаў»,
— сказаў кіраўнік беларускага замежнапалітычнага ведамства.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары