Маракі з арыштаванага Украінай расійскага судна збеглі ў Беларусь
Прадстаўнікі расійскага дыпкорпуса пайшлі на падман, каб вывезці экіпаж судна «Норд» як грамадзян Расіі, а не Украіны.
Пра гэта паведамляе ў Facebook прэс-сакратар Дзяржаўнай памежнай службы Украіны Алег Слабадзян.
Паводле яго слоў, 19 красавіка двое украінцаў, членаў каманды судна «Норд», выехалі з Украіны ў Беларусь, прад'явіўшы дакументы грамадзян Расіі.
Па словах Слабадзяна, паколькі ўкраінскі бок не прызнае дакументы, выдадзеныя акупацыйнымі ўладамі Расіі ў Крыме, але гэта не распаўсюджваецца на дакументы, выдадзеныя афіцыйна дзеючымі дыппрадстаўніцтвамі Расіі ва Украіне, і паколькі транскрыпцыя прозвішчаў грамадзян у пашпартах Расіі адрознівалася ад ідэнтыфікацыйных дадзеных грамадзян Украіны — членаў каманды «Норду», якія ўтрымліваліся ў базах дадзеных, дадзеныя грамадзяне былі прапушчаныя праз мяжу і вылецелі ў Беларусь.
Яшчэ семярым маракам краіну пакінуць не далі. Іх расійскія пашпарты канфіскавалі.
Двум маракам, якія вылецелі ў Беларусь, ужо забаронены ўезд ва Украіну на 3 гады.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары