На ўкраінска-беларускай мяжы затрыманы журналіст Зміцер Галко, яму пагражае да шасці гадоў няволі
Уначы супрацоўнікамі праваахоўным органаў быў затрыманы вядомы беларускі журналіст Зміцер Галко. Пра гэта ў фэйсбуку паведаміла ягоная жонка Юлія Гаркуша.
«Зміцер усё ж паехаў у Мінск, разруліць сітуацыю з падатковай, але да Мінска не даехаў, яго арыштавалі», — напісала яна.
Вядома, што Галко ехаў у Беларусь са Львова. Яго затрымалі ў Столінскім раёне.
Дзяжурны Столінскага РАУС паведаміў «Нашай Ніве», што Зміцер Галко знаходзіцца ў іх, ён быў абвешчаны ў вышук як падазраваны па артыкуле 364 КК «Гвалт або пагроза прымянення гвалту ў адносінах супрацоўніка органаў унутраных справаў». Паводле гэтага артыкула, журналісту можа пагражаць да 6 гадоў зняволення.
Гісторыя пачалася летась у канцы лістапада. Калі непаўналетні сын Змітра Ян адзначаў свой дзень нараджэння, дзе прысутнічаў і бацька. Паводле версіі міліцыі, у кватэры была гучная музыка, таму нехта выклікаў участковага. Калі ўчастковы з’явіўся, то ў яго нібыта адбылася сутычка са Змітром, у выніку якой у міліцыянта быў пабіты мабільнік.
Варта адзначыць, што на свяце ў непаўналетніх быў алкаголь. А потым удзельнікаў затрымлівалі амапаўцы. Адзін з падлеткаў уцякаў, скочыў з балкона, паламаў нагу.
Сам Галко казаў, што проста ўзяў міліцыянта за рукі, ніякай бойкі не было.
Праз нейкі час пасля таго інцыдэнта Галко з сынам з’ехаў ва Украіну, у Марыупаль, дзе жыве ягоная жонка. Сын ужо вярнуўся на радзіму, цяпер спрабаваў і бацька.
Зміцер Галко — беларускі журналіст і блогер, які супрацоўнічаў з многімі выданнямі. Запомніўся серыяй рэпартажаў пра вайну ва Украіне.
-
Мацкевіч: Статкевіч маральна перамог, але мяне проста бесіць вось гэтая «маральная перамога»
-
«Няма доказаў» і «адпрацоўка блакады Калінінграда». Што пішуць афіцыйныя СМІ пра зонды і закрыццё мяжы
-
«Шары запускаюць і з аўтамабільных прычэпаў». Былы кантрабандыст тлумачыць, чаму цыгарэты ў Літву ўсё часцей перакідаюць на метэазондах
Цяпер чытаюць
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП15
Каментары