20 гадоў таму, 19 кастрычніка 1988 году, у Менску на ўстаноўчым сходзе гісторыка-асьветнага таварыства памяці ахвяраў сталінскіх рэпрэсій "Мартыралёг Беларусі" быў заснаваны аргкамітэт па стварэньні Беларускага народнага фронту за перабудову "Адраджэньне" (старшыня – Зянон Пазьняк).
На тым сходзе прысутнічала каля 400 чалавек: прадстаўнікі творчай і тэзнічнай інтэлігенцыі, рабочыя, моладзь з "Тутэйшых" і "Талакі".
У сьнежні таго ж году выйшаў першы нумар "Навінаў БНФ", газэты, што карысталася тады вялікай папулярнасьцю, а 19 лютага 1989 г. на стадыёне "Дынама" адбыўся першы ў Беларусі дазволены ўладамі шматтысячны мітынг, што арганізаваў БНФ.
Устаноўчы зьезд БНФ прайшоў 24-25 чэрвеня 1989 г. у Вільні. Ужо за часамі незалежнасьці БНФ быў зарэгістраваны як паліытчная партыя.
У 1999 г. партыя раскалолася на дзьве часткі: Партыя БНФ і Кансэрватыўна-хрысьціянская партыя БНФ.
Сёньня мастак Алесь Марачкін арганізаваў экскурсію па памятных мясьцінах, зьвязаных з арганізацыяй. Пачалася яна з плошчы Якуба Коласа, а потым касьцёлу сьвятых Сымона і Алены, дзе 20 гадоў таму ў тагачасным Доме кіно і адбылося паседжаньне аргкамітэту.
Увечары нядзелі ў сядзібе Партыі БНФ у Менску пройдзе сьвяточны канцэрт для вэтэранаў арганізацыі.
ул. інф. ды інфармацыя БелаПАН
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі34
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4343
Каментары