Ваенкамат папрасіў прабачэння і падарыў тэлевізар ветэрану, якога павіншавалі з 9 Мая пратэрмінаваным пячэннем
10 мая брэсцкі абласны ваенкамат яшчэ раз павіншаваў ветэрана Аркадзя Бляхера, які прайшоў ад Сталінграда да Берліна, з Днём Перамогі і ўручыў яму сучасны ВК-тэлевізар. Пра гэта Tut.by паведаміў вайсковы камісар Брэсцкай вобласці Яўген Зайцаў.
Нагодай для сустрэчы стаў інцыдэнт, які адбыўся напярэдадні. 9 мая да Аркадзя Маісеевіча прыйшлі з ваенкамата і павіншавалі з Днём Перамогі, уручыўшы сухпаёк. У скрынцы ляжалі банка тушонкі, пара банак грачанай кашы, некалькі пакуначкаў гарбаты, цукру, а таксама ўпакоўка пячэння, тэрмін прыдатнасці якога скончыўся 1 красавіка.
Ваенкам Брэсцкай вобласці назваў гэты выпадак непаразуменнем.
— Гэтыя пайкі камплектаваліся яшчэ ў лютым да 100-годдзя Узброеных сіл Рэспублікі Беларусь. Ніхто не меркаваў, што у прадуктаў скончыўся тэрмін даўнасці, — панаракаў Яўген Станіслававіч.
Па словах суразмоўцы, гэты падарунак насіў сімвалічны характар:
— Заўсёды існаваў у ветэранаў і салдат такі прынцып: дзяліцца апошнім сухпайком, апошняй банкай тушонкі. (…) Гэта сувенірны набор, які мы дорым ўсім ветэранам Узброеных сіл, ветэранам Вялікай Айчыннай вайны. Тое, што ў пячэння скончыўся тэрмін прыдатнасці, нам, вядома ж, непрыемна.
Абласны вайсковы камісар распавёў, што, як толькі даведаўся пра здарэнне, наведаў ветэрана і прынёс свае прабачэнні.
Чытайце таксама: Брэсцкага ветэрана павіншавалі з 9 Мая сухпайком з пратэрмінаваным печывам
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары